Yazda hər beş nəfərdən biri çiçək poleninə qarşı allergiyadan əziyyət çəkir. Göz yaşları, burun axması, öskürək, asqırma - bütün bu xoşagəlməz simptomlar elmi olaraq pollinoz adlanan xəstəliyin əlamətləridir.

Yaz allergiyası bədənin küləklə daşınan polen ilə qıcıqlanmasının nəticəsində yaranır. 100-ə yaxın bitkinin belə bir reaksiyaya səbəb ola biləcəyinə inanılır. Üstəlik, polen nə qədər incə olarsa, bir o qədər alerjenikdir. Sağlam insanlar üçün qızılağac, fındıq, palıd, göyərti, bəzi kollarda tozcuqların yaranması adətən nəzərə çarpmır, lakin bu dövr allergiya xəstələri üçün xoşa gəlməz keçir.

Təəssüf ki, yaz allergiyası ağaclar çiçək açdıqdan sonra bitmir. Bu hal getdikcə qida allergiyasına çevrilir, buna görə də simptomları yayda da davam edir. Buna görə də, məsələn, ağcaqayın poleninə qarşı allergiyası olanlara bütün ilboyu qırmızı alma, çiy kök, kivi, şaftalı, ərik yeməkləri tövsiyə görülmür. Və kimin fındıq poleninə alerjisi var - fındıqdan tamamilə imtina etməsi daha yaxşıdır.

Bahar allergiyasının 10 əlamətini təqdim edirik:

Səhərlər özünüzü axşamdan daha pis hiss edirsiniz. 

Davamlı, yorucu asqırma.

Gözlər çox qıcıqlanır və ağrıyır, gözdə yaşlanmalar olur.

Üzün dərisi bir qədər qızarır.

Evdə olduğunuz və çölə çıxmadığınız zaman vəziyyətiniz daha yaxşı olur .

Yüksək temperatur yoxdur.

Boğaz ağrısı, nazofarenksin yuxarı hissəsində və qulaqlarda qaşınma.

Gecə öskürək.

Ən yaxşı müalicə profilaktikadır. Əlbəttə ki, bu gün apteklərdə müxtəlif antihistaminik (antiallergik) dərmanlar ala bilərsiniz. Ancaq həmişə olduğu kimi, xəbərdarlıq edirik - həkim müdahiləsi olmadan addım atmayın!

Çiçəkləmə dövründə səhər saat 11-ə qədər evdən daha az çıxmağa çalışın.

Səhər pəncərələri açmayın. Günəşli və küləkli havada onlara yaş çarşaflar, cuna torları asın və onları daha tez-tez dəyişdirin - onda polen keçməyəcək.

Heç bir halda təbiətə, gəzintiyə və ümumiyyətlə şəhərdən kənara getməyin. Parka belə getməmək məsləhətdir.

 Günəşdə daha az vaxt keçirməyə çalışın. Çölə çıxarkən gözlərinizi tünd eynəklə qoruyun.

 Günəş vannası qəbul etməyin!

Evə qayıdarkən burnunuzu və gözlərinizi su ilə yumağı unutmayın.

 Allergiya müddətində siqaretdən tamamilə imtina etməli və dumanlı otaqda olmamalısınız. Evdə çiçək, quru buket saxlamayın.  Yaz aylarında tuş, kölgə və digər bitki mənşəli kosmetik vasitələrdən istifadə etməyin. Sağlam həyat tərzinə üstünlük verin: səhər gimnastikası, düzgün bəslənmə, idman. Pəhriz edin, allergiyaya səbəb olan qidaları istisna edin: qoz-fındıq, sitrus meyvələri və şokolad, soda, qida boyası, ədviyyatlar və s.

Mütəmadi olaraq evdə təmizlik aparın.

Aysel Bayramova