Rusiyanın Voronej vilayətində fərdi evin ərazisində beş nəfər kanalizasiya üçün qazılmış quyuya yıxılıb. Yardım gələnə kimi onların hamısı ölüb.

“112” “Telegram” kanalının məlumatına görə, ölənlər arasında ikisi uşaq olub.

Onlardan başqa, iki kişi və bir qadın həyatını itirib.

Ölənlərdən əlavə, bir nəfər də yaralı var. O, metandan zəhərlənmə diaqnozu ilə xəstəxanaya yerləşdirilib. Yaralının vəziyyəti ağır qiymətləndirilir.

Hazırda hadisənin başvermə səbəbləri araşdırılır.