Meksikanın “Pemex” dövlət enerji şirkətinin gündəlik xam neft hasilatı cari ilin üçüncü rübündə xeyli aşağı düşüb. Ümumiyyətlə illərdir ki, ölkənin hasilat göstəriciləri aşağı düşməkdə davam edir. Şirkətin son hesabatında xam neft hasilatının günə 1,827 milyon barel təşkil etdiyi göstərilirdi.

2013-cü ildə Meksika rəsmiləri enerji islahatlarına başladı və  neft hasilatını yüksəltmək məqsədilə ölkənin karbohidrogen sənayesini xarici investisiyaya açıq elan etdi. Lakin ölkədə bu ilin əvvəlində keçirilən seçkilərdən sonra bu islahatların aqibətinin necə olacağı bəlli deyil. Dekabrdan vəzifəsinin icrasına başlayacaq yeni prezident Andres Manuel Lopez Obrador hansı qərarları qəbul edəcəyi ölkə ictimaiyyətində maraq doğurur.