Avropa İttifaqının xarici siyasət və təhlükəsizlik məsələləri üzrə ali nümayəndəsi Kaya Kallas bəyan edib ki, qurumun vahid, müştərək bir ordu yaratmasına ehtiyac yoxdur. Onun sözlərinə görə, ittifaqa üzv ölkələrin silahlı qüvvələri onsuz da NATO-nun kollektiv müdafiə sisteminin tərkib hissəsidir.

“İki sahil” xəbər verir ki, RİA Novosti-nin sitat gətirdiyi bəyanatda Kallas Avropa ordusu ideyasına konkret mövqeyini belə ifadə edib:

"Xeyr, buna ehtiyac yoxdur. Hər bir üzv dövlətin özünün şəxsi ordusu var və onların hamısı artıq NATO-nun ümumi müdafiə strukturuna inteqrasiya olunub."