Bu gün DÇ-2026-nın Avropa zonası üzrə seçmə mərhələsinin pley-off finalları keçirir.

“İki sahil” xəbər verir ki, nəticədə mundiala vəsiqə qazanan daha 4 milli komanda müəyyənləşir.

Yarımfinalda Rumıniyanı üstələyən (1:0) Türkiyə millisi səfərdə Kosovo ilə qarşılaşıb. Vinçenzo Montellanın komandası 1:0 hesabı ilə qalib gələrək DÇ-2026-nın final mərhələsinə yüksəlib. Beləliklə, Türkiyə yığması 24 il sonra ilk dəfə mundialda oynayacaq.

İsveç öz meydanında Polşanı üstələyib və DÇ-2026-ya vəsiqə əldə edib.

Bu gecə həmçinin İtaliya millisi Bosniya və Herseqovinanın qonağıdır. Çexiya isə Danimarka ilə üz-üzə gəlir.