İrlandiyada prezident seçkilərində seçicilərin fəallığı 30%-40% arasında olduğu təxmin edilir.

“İki sahil”in "RTE"yə istinadən verdiyi məlumata görə, yekun rəsmi nəticələr oktyabrın 25-i səhər saatlarında açıqlanacaq.

Yerli vaxtla saat 22:00-da (Bakı vaxtı ilə 01:00) ölkə üzrə 5000-dən çox seçki məntəqəsi bağlanıb.

Seçki qutuları təyin olunmuş məntəqələrə daşınacaq və burada səslərin hesablanması səhər saat 9:00-da (Bakı vaxtı ilə 12:00) başlayacaq.

Seçkilərin nəticələrinin oktyabrın 25-i günortadan sonra açıqlanacağı gözlənilir. Təxminən 3,6 milyon insanın səs verəcəyi gözlənilirdi.