Xaçmaz Rayon İcra Hakimiyyətinin təşkilatçılığı ilə keçirilən aksiya Gəndob–Xaçmaz–Yalama–Rusiya sərhədi avtomobil yolunun Yalama kəndi ərazisində keçən hissəsində təşkil olunub. 

Bu barədə "İki sahil"in Şimal bölgə təmsilçisinə Xaçmaz Rayon İcra Hakimiyyətindən məlumat verilib.

Aksiyada  Rayon  İcra Hakimiyyətinin başçısı Elnur Rzayev, yerli hüquq-mühafizə orqanlarının rəhbərləri, idarə, müəssisə və təşkilatların  kollektivləri, eləcə də ərazi icra nümayəndələri və bələdiyyələr iştirak ediblər.

Ekloloji tədbir zamanı avtomobil yolunun kənarına yerli iqlim şəraitinə uyğun gələn 1000-dən çox şam ağacı əkilib. Əkilən ağaclara aqrotexniki qulluq göstərilib, suvarılması təmin olunub.

Aksiyanın məqsədi ətraf mühitin qorunmasına və ekoloji mühitin sağlamlaşdırılmasına töhfə verməkdir.
Qeyd edək ki, “Konstitusiya və Suverenlik İli” çərçivəsində rayon ərazisində yaşıllıqların artırılması məqsədilə aksiyaların davam etdirilməsi nəzərdə tutulur.

Aydın Adıgözəlov,
Xaçmaz, "İki sahil" üçün