Tramp administrasiyası ABŞ İmmiqrasiya və Gömrük Mühafizə Xidmətinə (ICE) valideynləri olmadan ölkəyə qeyri-qanuni yollarla daxil olmuş yüz minlərlə miqrant uşağın axtarışına başlamağı əmr edib. Bundan sonra onlar deportasiya olunacaqlar.

“İki sahil” xəbər verir ki,  bu barədə "Reuters" məlumat yayıb.

Miqrant uşaqların tutulması və deportasiyası ilə bağlı bütün prosesin İmmiqrasiya və Gömrük Mühafizəsi memorandumunda təsvir olunduğu deyilir. O, dörd mərhələni əhatə edir, birincisi - əməliyyatın planlaşdırılması - yanvarın 27-də həyata keçirilib. Bu addımla miqrant uşaqların alverinin qarşısını almaq da hədəflənib.

ABŞ hökumətinin məlumatına görə, 2019-cu ildən bəri 600 mindən çox miqrant uşaq ABŞ-Meksika sərhədini keçib. Həmin dövrdə ölkənin miqrasiya məhkəməsinin statistik məlumatlarına görə, on minlərlə insan deportasiya edilib.