ABŞ prezidenti Donald Tramp Davosda keçirilən Dünya İqtisadi Forumunda videomüraciətlə çıxış edəcək.

“İki sahil” "Kommersant"a istinadla xəbər verir ki, onun çıxışı yerli vaxtla saat 17:00-da başlayacaq.

"Reuters" qeyd edir ki, bu, ABŞ-ın yeni seçilmiş prezidentinin qlobal siyasi və biznes liderlərinə ilk böyük müraciəti olacaq. Forum iştirakçıları Trampın ABŞ-a idxal olunan mallara tətbiq edilən universal rüsumların təfərrüatları, həmçinin onun geosiyasi və iqtisadi məsələlərlə bağlı mövqeyini öyrənməyi gözləyirlər.