Azərbaycan Basketbol Liqasında bu gün II turun daha iki oyunu keçiriləcək.
“İki sahil” xəbər verir ki, günün ilk görüşündə B qrupunda yer alan komandalar - "Ordu" və "Şəki" üz-üzə gələcək.
Bakı İdman Sarayında baş tutacaq matçın start fiti saat 12:30-da səslənəcək.
Digər qarşılaşmada isə A qrupunda "Sərhədçi" "Abşeron"la münasibətlərinə aydınlıq gətirəcək.
"Sərhədçi" İdman Mərkəzində keçiriləcək oyun saat 19:00-da başlayacaq.
Qeyd edək ki, II tura sabah baş tutacaq iki görüşlə yekun vurulacaq.
