Misli Premyer Liqasında XI turun oyunları davam edir. 

“İki sahil” xəbər verir ki, bu gün daha 2 matç oynanılacaq. 

Günün ilk qarşılaşması Mərdəkanda baş tutacaq. “Araz-Naxçıvan” “Zirə” ilə üz-üzə gələcək. Çempionatda ikinci dövrə oynanılsa da, tərəflər mövsümdə ilk dəfə qarşılaşacaqlar. Çempionatın əvvəlində Rəşad Sadıqovun komandası UEFA Konfrans Liqasında çıxışını davam etdirdiyindən “Zirə” - “Araz-Naxçıvan” oyunu təxirə salınmışdı. 

Hazırda Elmar Baxşıyevin komandası 20 xalla üçüncü, “Zirə” isə 16 xalla dördüncü pillədə qərarlaşıb. 

İlk turda “Qarabağ”a uduzduqdan sonra Naxçıvan təmsilçisi keçirdiyi 8 oyundan 6-da qalib gəlib, yalnız 2 dəfə heç-heçə edib. “Zirə” isə son 2 turda qələbə qazana bilməyib. 

Misli Premyer Liqası

XI tur

26 oktyabr

 16:00. “Araz-Naxçıvan” - “Zirə”
Hakimlər: Əliyar Ağayev, Zeynal Zeynalov, Akif Əmirəli, Əkbər Əhmədov
“Liv Bona Dea Arena”

18:30. “Səbail” - “Sumqayıt”
Hakimlər: Fərid Hacıyev, Eyyub İbrahimov, Şirmamed Mamedov, Elvin Bayramov
“ASCO Arena”

27 oktyabr 

17:00. “Sabah” - “Neftçi”

19:00. “Qarabağ” - “Şamaxı”

25 oktyabr

“Turan Tovuz” 2-1 “Kəpəz”