Məşhur futbolçu Kriştiano Ronaldonun da formasını geyindiyi "Əl-Nəsr" "Yuventus"un oyunçusu Pol Poqbanı transfer etmək istəyir.

“İki sahil” xəbər verir ki, bu barədə "TEAMtalk" məlumat yayıb. Klub futbolçuya sərfəli təklif göndərməyə hazırlaşır. Ulduz yarımmüdafiəçi üçün "Los-Anceles" və "Marsel" də mübarizə aparır.

Daha əvvəl "Yuventus" 31 yaşlı yarımmüdafiəçinin komandadan ayrılacağını rəsmən açıqlamışdı.

Xatırladaq ki, fevral ayının 29-da Poqba antidopinq qaydalarını pozduğuna görə 4 il müddətinə futboldan uzaqlaşdırılmışdı. Onun orqanizmində testosteron səviyyəsinin yüksəldiyi aşkarlanıb.

Oktyabrda məlum olub ki, fransalının diskvalifikasiya müddəti 18 aya endirilib.