Ermənistanının Azərbaycan torpaqlarının 20 faizini işğal etməsi nəticəsində yaranan münaqişə XX yüzilliyin ən faciəli münaqişələrindən biri olub. Erməni diasporu və lobbisi bu münaqişəni öz iddialarına əsasən təbliğat işinə uyğun olaraq öz maraqları çərçivəsinə uyğunlaşdıraraq ona uygun şəkildə addım atmışlar. Keçmiş münaqişə dövründə Ermənistan silahlı qüvvələri hərbi və mülki şəxslər arasında körpə, cavan, yaşlı demədən amansızlıqla qətlə yetirib. 1993-cü ildə, ölkəmizin ağır vəziyyətində Ulu Öndər Heydər Əliyevin xalqın təkidli tələbi ilə hakimiyyətə qayıdışı dövlətimizi xilas etdi. Ölkə ərazisində siyasi sabitlik əldə edildi,döyüş qabiliyyətli güclü ordunun yaradılmasına başlanıldı. Keçmiş münaqişə çərçivəsində daxili və siyasi amillər nəzərə alınmaqla strateji və hərbi siyasi amillər önə çəkildi.1994-cü ildə mayın 12 -də atəşkəsə dair razılıq əldə olundu. Bu tarixə qədər Azərbaycan Respublikasının 20 faiz ərazisi Ermənistan ordusu tərəfindən işğal olunmuşdu. Münaqişə əsnasında itgin düşmüş 3890 soydaşımızın , 872 nəfərin 2020 –ci il dekabrın 1 –nə qədər taleyi məlum olmamışdır.
Ermənistan –Azərbaycan münaqişəsi beynəlxalq təşkilatlar müstəvisində ciddi şəkildə müzakirə mövzusu olub. BMT Təhlükəsizlik Şurası Ermənistan qoşunlarının Azərbaycan ərazilərindən qeyd-şərtsiz çıxarılmasını tələb edən 4 qətnamə qəbul etmişdi. Amma Ermənistan bunlara əməl etmədi. Azərbaycan özü qətnamələri icra edərək ədaləti bərpa etdi.
2016-cı il aprelin 2-də qoşunların təmas xəttində yaranan gərginlik nəticəsində yenə də sivil əhalinin yaşadığı ərazilər hücuma məruz qalmışdır. 44 gün davam edən Vətən müharibəsi nəticəsində Azərbaycan ordusu işğal altındakı ərazilərini azad edərək ərazi bütövlüyünü bərpa etdi. Suverenliyini və ərazi bütövlüyünü tam olaraq bərpa edən ölkəmiz yeni reallıqlar yaradıb.
Şəhla Verdiyeva,
Xətai rayonu, İlqar Cəfərov adına 260 nömrəli tam orta məktəbin tarix müəllimi,
YAP Xətai rayon təşkilatının üzvü