Müğənni Gülay Zeynallı yayın qızmar günlərində istilərdən çəkinmədən kamera qarşısına keçərək sevənləri üçün yeni mahnısına klip çəkdirib. 

“İki sahil” xəbər verir ki, "Məktub” adlı mahnıya paytaxtın müxtəlif məkanlarında 48 saat çəkiliş gedib. Çəkilişlər qapalı və açıq hava altında gerçəkləşib.

Ekran işində ifaçı bir neçə fərqli obrazda kamera önünə keçib. Müğənninin obrazı, saç və makiyajı üzərində peşəkar komanda çalışıb. Musiqisi Tərlan Məmmədhüseynov, sözləri Orxan Mürvətliyə aid olan mahnı bir neçə günə tamaşaçıların ixtiyarına veriləcək.

Klipin rejissoru Delee Orucludur.