44 günlük müharibədəki qələbənin ekran həllinə çalışmalıyıq.

“İki sahil” xəbər verir ki, bunu Mədəniyyət Nazirliyinin və Azərbaycan Respublikası Kino Agentliyinin təşkilatçılığı ilə 2 avqust – Milli Kino Günündə Azərbaycan kinosunun 125, “Azərbaycanfilm” kinostudiyasının 100 illik yubileyinə həsr olunmuş tədbirdə Xalq artisti Rasim Balayev deyib.

O qeyd edib ki, kino sahəsinə göstərilən diqqət Azərbaycan kinosunun tənəzzüldən çıxaraq tamaşaçıları sevindirəcəyinə ümidlər yaradır:

"Bizim istedadlı gənclərimiz, təcrübəli rejissorlarımız var. Biz Vətən müharibəsində qələbə çalmışıq. Çalışacağıq ki, bunun ekran həllinə də nail olaq".