“Roma”nın hücumçusu Eldor Şomurodov “Kalyari”yə keçib.
“İki sahil” "Football İtalia"ya istinadən xəbər verir ki, 28 yaşlı özbək futbolçu Sardiniya təmsilçisində icarə əsasında çıxış edəcək.
O, A seriyasına yeni qayıdan Klaudio Ranyerinin komandasında bir mövsüm oynayacaq.
Qeyd edək ki, Şomurodov 2022/23 mövsümünün ikinci yarısında “Spetsiya”da icarə əsasında çıxış edib. O, ümumilikdə, ötən mövsüm bütün turnirlərdə 24 oyuna 2 qol vurub və 2 məhsuldar ötürmə edib.
