PSJ-nin futbolçusu Lionel Messi klub karyerasında 700-cü qolunu vurub.
“İki sahil” xəbər verir ki, argentinalı hücumçu Fransa Liqasının 25-ci turunda "Marsel"lə matçda (3:0) yubiley qoluna imza atıb.
Bununla da, Messi Top-5 liqada 700 qol vuran ilk futbolçu olub. Onun "Barselona"da 672, PSJ-də isə 28 qolu var. Bu göstəriciyə çatmaq üçün ona 840 matç lazım olub.
Qeyd edək ki, 2022-ci ilin oktyabrında o vaxt “Mançester Yunayted”də oynayan Kriştiano Ronaldo da klub karyerasında 700 qol həddini keçib. Ancaq Portuqaliya çempionatı Top-5 liqaya daxil olmadığına görə hazırda "Əl-Nəsr"də oynayan Ronaldonun "Sportinq"də vurduğu 5 qol hesablamada nəzərə alınmır.
