"Mançester Yunayted"in futbolçusu Kriştiano Ronaldo əfsanəvi braziliyalı oyunçu Romarionun rekordunu təkrarlayıb. 

"İki sahil" Britaniya mətbuatına istinadən xəbər verir ki, 37 yaşlı hücumçu buna ötən gecə Premyer Liqanın 18-ci turunun təxirə salınmış görüşündə - "Brayton"la matçda (2:0) fərqlənməklə nail olub. O, klub karyerasında 689-cu qolu vurub.

Ronaldo bununla da əfsanəvi braziliyalı Romarioya məxsus dünya rekordunu təkrarlayıb. 

Qeyd edək ki, Kriştiano “Sportinq”də 5, “Mançester Yunayted”də 133, “Real”da 450, “Yuventus”da 101 qol vurub.