17 noyabr 2026 02:10
88

Kiyevin körpüləri ballistik raketlərlə vurulub

Noyabrın 17-nə keçən gecə Ukraynanın paytaxtı Kiyev şəhəri və vilayəti ballistik raketlərlə vurulub.

Gecə saatlarında Kiyevdə güclü partlayış səsləri eşidilib.

Yerli monitorinq qruplarının yaydığı məlumata görə, Kiyevə və onun bölgəsinə 5 ballistik raket atılıb. Əsas hədəf isə enerji və kritik, logistik infrastrukturlar olub.

Kiyev şəhər meri Vitali Kliçko əhalini sığınacaqlarda məskunlaşmağa çağırıb.

Kiyev vilayət Hərbi Administrasiyasının verdiyi məlumata görə, raket zərbələri nəticəsində dağıntılar qeydə alınıb, xəsarət alanlar var.

Yerli monitorinq qruplarının yazdığına görə, raket zərbələrinin bəziləri Kiyevin körpülərinə dəyib. Kiyev meri Kliçko isə Cənub və Şimal körpülərinin raketlə vurulduğunu təsdiqləyib.

Hazırda Kiyevə hava hücumu davam edir.

AZƏRTAC