Qazaxıstan regional strukturların, o cümlədən Türk Dövlətləri Təşkilatının (TDT) açıq olmalı olduğuna əmindir və bu səbəbdən respublika Prezidenti Qasım-Jomart Tokayev Rusiyanın bu təşkilatda iştirakının təmin edilməsi təşəbbüsünü irəli sürüb.

“İki sahil” TASS-a istinadla xəbər verir ki, bu barədə Qazaxıstanın xarici işlər nazirinin müavini Yermuxambet Konuspayev bəyan edib.

"Bu kontekstdə cari ilin oktyabrın 30-da Ankarada keçirilmiş Türk Dövlətləri Təşkilatının 13-cü sammiti göstəricidir. Sammit zamanı Qazaxıstan Prezidenti Rusiyanın TDT+ formatında iştirakı və ya ona müşahidəçi dövlət statusunun verilməsi imkanının nəzərdən keçirilməsini təklif edib. Bu təşəbbüs Qazaxıstanın regional birliklərin maraqlı tərəfdaşlarla konstruktiv qarşılıqlı əlaqə üçün açıq qalmalı olduğu əminliyini əks etdirir. Belə bir yanaşma etimadı möhkəmləndirməyə və Avrasiya məkanında inteqrasiya proseslərinin bir-birini tamamlamasını təmin etməyə qadirdir", — deyə o, Minskdə keçirilən Avrasiya təhlükəsizliyi üzrə IV Beynəlxalq Konfransda çıxışı zamanı bildirib.