Portuqaliya millisinin hücumçusu Kriştiano Ronaldo milli komandanın düşərgəsini tərk etdiyinə görə 30 günlük cəzalandırılıb.

“İki sahil” xəbər verir ki, bu barədə jurnalist Fabrizio Romano məlumat yayıb. Bununla yanaşı, futbolçunun düşərgəni tərk etdiyinə görə 255 avro cərimə ödəyəcəyi də bildirilir.

Xatırladaq ki, Ronaldo Millətlər Liqasının Danimarka ilə 3-cütur matçından (4:2) əvvəl millinin düşərgəsini tərk edib. Baş məşqçi Jorje Jezuş isə tərəflər arasında münaqişə olmadığını bildirmişdi. 

Qeyd edək ki, Ronaldo 2003-cü ildən Portuqaliya millisində çıxış edir. O, yığma ilə 2016-cı ildə Avropa çempionu olub və iki dəfə Millətlər Liqasını qazanıb.