İraqın paytaxtı Bağdadda oktyabrın 17-18-də keçirilməsi nəzərdə tutulan İslam Əməkdaşlıq Təşkilatının (İƏT) Xarici İşlər Nazirləri Şurasının 52-ci sessiyasına hazırlıq məsələləri müzakirə edilib.

“İki sahil” xəbər verir ki,  İƏT-in nümayəndə heyəti ilə geniştərkibli iclas keçirilib. İclasda tədbirin yüksək səviyyədə təşkili üçün əsas məsələlərin böyük hissəsinin artıq tamamlandığı bildirilib. Görüşdə, həmçinin sessiyanın təklif olunan gündəlik layihəsi, Yekun Bəyanatda yer alacaq əsas mövzular və ideyalar nəzərdən keçirilib.