“Barselona”nın yeni transferi Rodri maaş baxımından komandanın ən çox qazanan futbolçusu olub.

“İki sahil” xəbər verir ki, bu barədə “Capology” məlumat yayıb. İspaniyalı yarımmüdafiəçinin Kataloniya klubunda illik maaşı 31,25 milyon avrodur. Bu göstərici ilə o, komandanın hücumçusu Lamin Yamal ilə birlikdə klubun ən yüksək ödəniş alan futbolçusudur.

Həm "Real"ın, həm də ümumilikdə La Liqanın ən çox qazanan futbolçusu isə Kilian Mbappedir. Fransalı forvardın illik maaşı 71,67 milyon avrodur. İkinci pillədə 50 milyon avro maaşla “Real”ın vingeri Vinisius Junior qərarlaşıb.

Qeyd edək ki, “Barselona” 30 yaşlı Rodrinin transferini avqustun 18-də açıqlayıb. “Qızıl top”un 2024-cü il üzrə qalibi 2030-cu ilə qədər müqavilə imzalayıb.