İsrailin Siyasət və Təhlükəsizlik üzrə Nazirlər Kabineti avqustun 4-ü axşam saatlarında Qəzza bölməsinə dair sazişin bəndlərini müzakirə etmək üçün toplaşacaq.

“İki sahil” xəbər verir ki, bu barədə «Ynet» portalı məlumat yayıb.

Portalın məlumatına görə, bəzi nazirlər sənədin bir neçə müddəasının icrasına qarşı çıxırlar.

İsrail Baş nazirinin müşaviri Dmitri Hendelman keçən həftənin sonunda bildirib ki, İsrail «hər hansı bir prosesin ilkin şərti kimi HƏMAS-ın tam tərksilah edilməsini, o cümlədən silahların Qəzzadan çıxarılmasını və bölmənin tam demilitarizasiyasını tələb edir».

Müşavirin sözlərinə görə, müzakirə olunan 15 bəndlik sənəddə bu tələblərə kifayət qədər cavab verilmir və İsrail bu barədə öz etirazlarını xüsusi nümayəndə Toni Bleyerə çatdırıb. Hendelman vurğulayıb ki, HƏMAS tərksilah olunana və bölmə demilitarizasiya edilənə qədər İsrail qoşunlarının Qəzza bölməsindəki «sarı xətt»dən geri çəkilməsi baş verməyəcək.

Bununla yanaşı, Qəzza üzrə Sülh Şurasının ali nümayəndəsi Nikolay Mladenov İsrailin son zərbələrindən sonra vasitəçi dövlətlərin anklavda gərginliyi azaltmaq niyyətində olduqlarını bəyan edib.