ABŞ və İsrailin hücumlarına görə Yaxın Şərqdə yaşayanların müqavimətdən başqa yolu qalmayıb.

“İki sahil” xəbər verir ki, bu barədə İranın Ali rəhbəri Müctəba Xameneinin Livanda fəaliyyyət göstərən "Hizbulah" qruplaşmasına ünvanladığı məktubda bildirilib.

"Livan "Hizbullah"ı İsrail və onun havadarlarının hücumuna qarşı mübarizədə sarsılmaz qaya kimi dayanır", - Xamenei yazıb.

Onun sözlərinə görə, "Hizbullah"ın müdafiəsi İranın strateji siyasəti kimi müəyyən edilib: "Livanın ərazi bütövlüyünün qorunub saxlanılması və İsrailin təcavüzünün tam aradan qaldırılması ABŞ ilə müharibənin dayandırılmasına dair qarşılıqlı anlaşma memorandumunun ilk şərtidir".

Xatırladaq ki, iyulun 21-də ABŞ Prezidenti Donald Tramp, "Hizbullah" hərəkatının rəhbərliyi ilə birbaşa dialoq aparmağa hazır olduğunu bildirib.

İslamabad Anlaşma Memorandumunun icrasına gəlincə, bu istiqamətdə danışıqlar davam edir. İran danışıqların ilk növbədə Hörmuz boğazındakı problemlər, sonra dondurulmuş İran aktivlərinin blokdan çıxarılması və sonda nüvə proqramı üzrə aparılmasında israrlıdır.