İyun ayında Bakı Metropoliteni ilə 18 milyondan çox sərnişin səfər edib. Bu, ötən ilin eyni ayı ilə müqayisədə sərnişindaşıma göstəricisinin 6,9 faiz artdığını göstərir.

"Bakı Metropoliteni" QSC-dən “İki sahil”ə bildirilib ki, ay ərzində ən çox sərnişin qəbul edən stansiya 1 milyon 711 min 203 nəfər göstərici ilə "Koroğlu" stansiyası olub.

İyunun 1-i isə 752 min 703 sərnişin daşınmaqla ayın ən yüksək sərnişindaşıma göstəricisinin qeydə alındığı gün olub.

Hesabat dövründə NFC və QR bilet vasitəsilə, ümumilikdə, 9 milyon 366 min 674 ödəniş həyata keçirilib. Bu göstərici metrodan ödənişli istifadə edən sərnişinlərin 51,9 faizini təşkil edib.

Bununla yanaşı, "Əlçatan metro" xidməti çərçivəsində 161 sifariş icra olunub. Bu isə ötən ilin müvafiq dövrü ilə müqayisədə xidmətdən istifadə edən sərnişinlərin sayının 75 faiz artdığını göstərir.