Azərbaycanın Merlər Razılaşması təşəbbüsündə iştirakı onun iqlim dəyişikliyi ilə bağlı beynəlxalq öhdəliklərinə sadiqliyinin göstəricisidir.

“İki sahil” xəbər verir ki, bunu Avropa İttifaqının Azərbaycandakı səfiri Mariyana Kuyundziç Merlər Razılaşması təşəbbüsü ilə bağlı tədbirdə deyib.

“Hamı kimi, Azərbaycan da iqlim dəyişikliyindən əziyyət çəkir. Mənə məlumat veriblər ki, Xəzər dənizinin səviyyəsində ciddi azalma müşahidə olunub. Biz birlikdə çalışmaqla karbon emissiyalarının həcmini azalda, bunu Azərbaycanın müxtəlif şəhərlərində edə bilərik. Azərbaycanın Merlər Razılaşması təşəbbüsünə qoşulması onun öz beynəlxalq öhdəliklərini yerinə yetirməyə çalışdığını göstərir”, - Aİ səfiri bildirib.