Özbəkistan daxili işlər nazirinin keçmiş müavini general-mayor Bekmurod Abdullayev saxlanılıb.

“İki sahil” xəbər verir ki, bu barədə Özbəkistan mediası məlumat yayıb.

Ölkənin Daxili İşlər Nazirliyinin mətbuat katibi Şöhrux Qiyasov məlumatı təkzib etməyib və bildirib ki, məsələ ilə Baş Prokurorluq məşğul olur.

Keçmiş nazir müavininin konkret olaraq nədə ittiham olunduğu barədə dəqiq məlumat yoxdur.

Qeyd edək ki, B.Abdullayev 2021-2025-ci illərdə daxili işlər nazirinin müavini, İctimai Təhlükəsizlik İdarəsinin rəisi vəzifəsində çalışıb.