Yanvarın 10-nə keçən gecədən etibarən Astanada güclü qar, çovğun, buzlu hava və saniyədə 15-20 metrədək əsən qərb küləkləri müşayiət olunur. Şəhərdə üçün fırtına xəbərdarlığı elan edilib.

“İki sahil” “Kazinform”a istinadla xəbər verir ki, əlverişsiz hava şəraiti nəqliyyatın hərəkətinə və paytaxtın hava limanının işinə mənfi təsir göstərib.

Bir neçə saatdır yağan güclü qar paytaxtın mərkəzi küçələrində nəqliyyatın hərəkətinə maneələr yaradıb.

Əlverişsiz hava şəraiti səbəbindən sakinlərdən və paytaxtın qonaqlarından Astana Beynəlxalq Hava Limanına səfərlərini əvvəlcədən planlaşdırmaq, nəqliyyatın hərəkətində və uçuş cədvəllərində mümkün dəyişiklikləri nəzərə almaq xahiş olunur. Qar örtüyünün təmizlənməsi perronda və ön meydançada davam edir və bütün hava limanı xidmətləri gücləndirilmiş iş rejimində işləyir.

Hava limanı bəzi uçuşlarda gecikmələr barədə məlumat verib. Eyni zamanda, paytaxtın kommunal xidmətləri gücləndirilmiş iş rejiminə keçib. Güclü yağıntı səbəbindən qartəmizləmə əməliyyatları gecə-gündüz və fasiləsiz davam edir. Son gecə ərzində paytaxtda 18.000 kubmetrdən çox qar təmizlənib - bu, ağır texnikanın 1277 səfəri deməkdir.

Yanvarın 12-də səhər saatlarından bəri qartəmizləmə işlərinə 3000-dən çox yol işçisi və təxminən 2000 müvafiq texnika cəlb olunub.