Azərbaycan Xalq Cəbhəsi Partiyasının (AXCP) sədri Əli Kərimli saxlanılıb.

“İki sahil” "Unikal"a istinadla xəbər verir ki, bu barədə AXCP-nin Fransada yaşayan üzvü Natiq Ədilov məlumat yayıb.

N.Ədilov əlavə edib ki, Dövlət Təhlükəsizliyi Xidməti onun evində axtarış aparıb.

***

“Qafqazinfo” nun əldə etdiyi məlumata görə, Dövlət Təhlükəsizliyi Xidmətində (DTX) aparılan arışdırmalar çərçivəsində Əli Kərimlinin evində axtarış aparılıb. 

AXCP sədrinin evindəki axtarış Ramiz Mehdiyevin DTX-də istintaq olunan cinayət işi ilə əlaqədardır.

Xatırladaq ki, hazırda Ramiz Mehdiyev Cinayət Məcəlləsinin 278.1 (dövlət hakimiyyətini ələ keçirməyə yönələn əməllər), 274 (dövlətə xəyanət) və 193-1.3.2-ci (cinayət yolu ilə əldə edilmiş əmlakı leqallaşdırma) maddələri ilə ittiham olunur.

Bakı şəhəri Səbail rayon məhkəməsi Mehdiyev Ramiz Ənvər oğlu barədə cinayət işi üzrə bu il oktyabrın 14-də qərar qəbul edib. Qərara əsasən, məhkəmə xüsusilə ağır cinayət əməllərinə görə cinayət məsuliyyətinə cəlb edilmiş Ramiz Mehdiyev barədə verilmiş vəsatəti təmin edərək, 4 ay müddətinə ev dustaqlığı qətimkan tədbiri seçib.