Filippində baş verən zəlzələ nəticəsində ölənlərin sayı 60 nəfərə çatıb.
“İki sahil” xəbər verir ki, bu barədə Filippinin Mülki Müdafiə Agentliyi məlumat yayıb.
"Ölənlərin sayı getdikcə artır. Bizə 60 nəfərin öldüyü barədə məlumat daxil olub", - deyə Filippin Mülki Müdafiə katibi Bernardo Alejandro bildirib.
Güclü yeraltı təkanların qeydə alındığı Sebu əyalətində fövqəladə vəziyyət elan edilib.
Dövlət qurumları regionda infrastrukturun bərpası və əhaliyə humanitar yardımın göstərilməsi üzərində işləyir, yanğından mühafizə bürosunun üzvləri isə axtarış-xilasetmə əməliyyatlarında iştirak edir.
***
Filippində baş verən 6,9 bal gücündə zəlzələ nəticəsində ölənlərin sayı 26 nəfərə çatıb.
“İki sahil” xəbər verir ki, bu barədə “GMA News” məlumat yayıb.
Səlahiyyətlilərin bildirdiyinə görə, San-Remicio bələdiyyəsində idman və istirahət mərkəzinin binası uçub, insanlar dağıntılar altında qalıb.
Hazırda axtarış-xilasetmə əməliyyatı aparılır.
Filippin Vulkanologiya və Seysmologiya İnstitutu bildirib ki, tektonik mənşəli zəlzələ Sebu əyalətindəki Boqo şəhərindən təxminən 20 kilometr şimal-şərqdə, 5 kilometr dərinlikdə baş verib.
Praqada 450 min insan medianın dövlət tərəfindən maliyyələşdirilməsinə qarşı aksiya keçirib
ABŞ-nn “Theodore Roosevelt” təyyarədaşıyan gəmisi noyabrın 16-da Yaxın Şərqə çatacaq
Frankofoniya sammitində birlik çağırışı: Konqo və Ruanda arasında baş katib postu uğrunda gərginlik
ABŞ-də 10 mindən çox reysin ləğvindən sonra uçuşlara nəzarət sisteminin yenilənməsi gündəmə gəlib
“Mercedes-Benz” Almaniyadakı bəzi zavodlarını bağlamaq planını nəzərdən keçirir