Hindistan konqlomeratı Tata Group bu il bazar dəyərini 75 milyard dollardan çox itirib.

“İki sahil” xəbər verir ki, bu barədə Bloomberg məlumat yayıb.

Bu itkilərin çoxu son həftələrdə şirkətin səhmlərinin yüksək ixtisaslı işçilər üçün ABŞ vizalarına qoyulan məhdudiyyətlərdən tutmuş Jaguar Land Rover-ə kiberhücuma qədər bir sıra mənfi amillərin təsirinə məruz qaldığı zaman baş verib.

Bloomberg-in məlumatına görə, Tata Qrupunu təşkil edən 16 şirkətin ümumi bazar dəyəri keçən həftənin sonunda təxminən iki ilin ən aşağı səviyyəsinə düşüb. Təkcə sentyabrın 19-dan, Donald Trampın ABŞ-ın iş vizası qaydalarını sərtləşdirdiyi vaxtdan bəri Tata Group-un bazar kapitallaşması 20 milyard dollar azalıb.