Belarus Macarıstana etibarlı neft tranzitini təmin etməyə davam edəcək.

“İki sahil” "Kommersant"a istinadla xəbər verir ki, bunu Macarıstanın xarici işlər naziri Peter Siyarto belaruslu həmkarı Maksim Rıjenkovla danışıqlardan sonra bildirib. O vurğulayıb ki, Belarus “Drujba” kəməri ilə tədarük olunan neftin həcminin təxminən 73%-ni təmin etməklə ölkənin enerji resursları ilə təmin olunmasında əsas tərəfdaşdır.

"Nazir məni əmin etdi ki, Belarus tranzitə zəmanət verəcək", - Peter Siyarto bildirib. 

O qeyd edib ki, ötən il Macarıstan Belarusdan 5 milyon tondan çox, bu il isə 3 milyon tona yaxın neft alıb.