Türkiyə hökuməti yaxın saatlarda, o cümlədən ölkənin qərbində 1,8 min sakinin təxliyə olunduğu Bursa əyalətində böyük meşə yanğınlarını nəzarət altına almaq niyyətindədir.

“İki sahil” "TRT Haber"ə istinadən xəbər verir ki, bunu Türkiyənin kənd təsərrüfatı naziri İbrahim Yumaklı deyib.

Onun sözlərinə görə, son günlər Türkiyədə rekord - 40 dərəcədən çox isti qeydə alınıb ki, bu da cənubda, o cümlədən Antalya və Mersin əyalətlərində meşə yanğınlarına səbəb olub.

"Şənbə günü 36-sı meşəlik ərazidə başlayan 84 yanğınla mübarizə apardıq. Dörd əyalətdə baş verən beş böyük yanğın nəzarət altına alınıb. Yaxın saatlarda Bursadan şad xəbər alacağımızı gözləyirik", - idarə rəisi bildirib.

İ.Yumaklı həmçinin qeyd edib ki, Mərmərə dənizinin cənub, həmçinin Egey və Qara dənizin şimal bölgələri meşə yanğınları baxımından risk altındadır: “Biz bütün qüvvələrimizi ora səfərbər etmişik”.

Nazir vurğulayıb ki, Türkiyədə yanğın üçün təhlükəli dövr oktyabr ayına qədərdir.

Türkiyə Fövqəladə Hallar Nazirliyinin məlumatına görə, ümumilikdə ölkə ərazisində meşə yanğınlarının söndürülməsinə 120-yə yaxın təyyarə, 1 500-dən çox xüsusi texnika və 5 500-ə yaxın insan cəlb olunub.