“Disney” studiyası britaniyalı ssenarist Cez Batteruortdan “Malefisenta” filminin (2014) davamını yazmağı xahiş edib.

“The Hollywood Reporter” xatırladır ki, Batteruort əsasən “007: Spektr” və “Qara messa” filmləri ilə tanınıb. Filmin davamında baş rolda Ancelina Colinin oynayacağı ehtimal olunur. Bir çox detallar gizli saxlanılır. Sehrbaz Malefisenta “Disney”in 1959-cu ildə çəkdiyi animasiya filmində mənfi roldadır. Filmdə isə bu, əksinə, müsbət personajdır.

Qeyd edək ki, Robert Stromberqin rejissoru olduğu “Malefisenta” filmi prokatda 750 milyon dollar qazanıb və ən yaxşı kostyumlara görə Oskar mükafatına layiq görülüb.