Çinin avtomobil istehsalçısı BYD İsveçrə biznes məktəbinin çərşənbə axşamı yaydığı hesabata əsasən, gələcək hazırlıq reytinqində “Tesla”nı geridə qoyub. “Bu, şirkətin xarici dəyişiklikləri qabaqcadan görmək və onlara uyğunlaşmaq qabiliyyətinə işarə edir”, - “Sinxua” agentliyi xəbər verib.

Beynəlxalq İdarəetmə İnkişafı İnstitutu (IMD) tərəfindən tərtib edilən "Gələcəyə Hazırlıq Göstəricisi 2025" sənədində avtomobil sənayesinin elektrikləşdirmə, rəqəmsallaşma və geosiyasi dəyişikliklərlə yüksəldiyi aşkar edilib.

LEGO-nun idarəetmə və innovasiya professoru və IMD-nin Gələcəyə Hazırlıq Mərkəzinin direktoru Hovard Yu hesabatın təqdimatından əvvəl Xinhua agentliyinə deyib: "BYD-ni qeyri-adi edən batareya yarımkeçirici çipsetlərin və istehsalın inteqrasiyasıdır."

BYD, “Tesla” və digər iki Çin elektrik avtomobil istehsalçısı – “Geely” və “Li Auto” ilə birlikdə avtomobil kateqoriyasında ilk dörd yeri tutur. "Yüksək pillədə güclü EV və proqram təminatı olan şirkətlər üstünlük təşkil edir", -deyə Yu bildirib.

2025-ci il göstəricisi 40 maliyyə institutunu, 21 avtomobil istehsalçısını və 26 istehlak malları istehsal edən firmanı innovasiya, tənzimləmə çevikliyi və müştəri cəlbetmə meyarlarına görə qiymətləndirib.

“Çin şirkətlərinin lokallaşdırma səyləri Qərb auditoriyasına onları təkcə qabaqcıl texnologiyaya malik Çin brendləri kimi deyil, həm də yerli bazarlara uyğunlaşan həqiqətən qlobal müəssisələr kimi tanımağa imkan verir”, -Yu vurğulayıb.

Daha əvvəl açıqlandığı kimi, BYD 2024-cü ildə 107 milyard dollar gəlirlə Tesla-nı geridə qoymuşdu.

Nubar Süleymanova, “İki sahil”