Rusiyalı həkim Yelena Malinnikova və doktor Myasnikov “Rossiya” telekanalında yayımlanan “Ən vacibi haqqında” sağlamlıq proqramında kondisionerin altında oturarkən və ya yelçəkəndə yuxarı tənəffüs yolu xəstəliklərinə yoluxmağın mümkün olub-olmadığını müzakirə ediblər.

Yayda insanlar qışda olduğu kimi kəskin respirator virus infeksiyalarına yoluxurlar. Bir çox insanlar kondisionerlərin və ya yelçəkənin günahkar olduğunu düşünür. Amma bu həqiqətən doğrudurmu?

Kondisioner havanı filtrlərdən keçir, burada rütubət səbəbindən bakteriya və göbələklər inkişaf edə bilər. Kondisioner həm də havanı qurudur, bu da burun mukozasını zədələyə bilər. Ancaq kondisionerin altında oturaraq viral infeksiyaya yoluxa bilməzsiniz; bunun baş verməsi üçün bir çox amillər üst-üstə düşməlidir.

Bəs yayda kəskin respirator virus infeksiyalarından necə qorunmalı?

Kondisionerdən istifadə edərkən burun selikli qişasını qurumadan qorumaq üçün havanı nəmləndirin;

Soyuqdan istiyə qəfil keçməyin – bu, müəyyən hazırlıq tələb edir;

Tez sərinləmək istəyirsinizsə, kondisionerin altında dayanmaqdan çəkinin. Bu soyutma üsulu stress hormonlarının istehsalına gətirib çıxarır və immunitet sisteminə təsir göstərir.

Nubar Süleymanova, “İki sahil”