ABŞ Yaponiyaya hərbi gəmilərə çevrilə bilən ikili təyinatlı gəmilər yaratmaq imkanı təklif etməyi planlaşdırır.

“İki sahil” xəbər verir ki, bunu Yaponiyanın “Nikkei” qəzetinə müsahibəsində ABŞ Hərbi Dəniz Qüvvələrinin naziri Con Felan deyib.

"Çin donanması və Çin gəmiqayırma sənayesini öyrənərkən müşahidə etdiyim şeylərdən biri də odur ki, onlar ticarət gəmilərini mümkün hərbi məqsədləri nəzərə alaraq layihələndirirlər", - nazir deyib.

Felan əlavə edib ki, Çin lazım gəlsə, gəmiləri kifayət qədər tez hərbi istifadəyə çevirə biləcək. Nazirin fikrincə, Yaponiya tərəfindən analoji həllin tətbiqi yüksək tələbatın saxlanmasına kömək edəcək, eyni zamanda texnoloji innovasiyalara və xərclərin azalmasına gətirib çıxaracaq.