Misli Premyer Liqasının 32-ci turunda Azərbaycan Kubokunun finalçıları - “Sabah” ilə “Qarabağ” qarşılaşıb.

“İki sahil”in məlumatına görə, hesabı “Qarabağ” açıb. 42-ci dəqiqədə Redon Cica penaltini dəqiq yerinə yetirib.

73-cü dəqiqədə Boyan Letiç “Sabah”ın bərabərlik qolunu vurub.

Qarşılaşma bu hesabla da başa çatıb.

Qeyd edək ki, Ağdam təmsilçiləri bərabərlik nəticəsində sona 4 tur qalmış çempionluğu təmin edib.

Misli Premyer Liqası,

32-cu tur

27 aprel

20:00. “Sabah” 1–1 “Qarabağ”

Qollar: Redon Cica, 42 - pen. (0-1), Boyan Letiç, 73 (1-1)

Hakimlər: Tural Qurbanov, Asiman Əzizli, Rəhman İmami, Əli Əliyev

VAR: Elçin Məsiyev

AVAR: Pərvin Talıbov

Bank Respublika Arena.

Məhərrəm Ağalaroğlu, “İki sahil”