“Ulduz müharibələri” filminin doqquzuncu hissəsinin rejissorunun adı məlum olub

“Ulduz müharibələri” filminin doqquzuncu hissəsinin rejissoru və ssenarisinin müəllifinin adı açıqlanıb.

AZƏRTAC RİA Novosti-yə istinadla xəbər verir ki, bu barədə “Lucasfilm” şirkəti məlumat yayıb.

Məlumata görə, 2019-cu ilin mayında işıq üzü görəcək doqquzuncu hissənin rejissoru yenidən Cey Cey Abrams olacaq. O, həmçinin filmin 2015-ci ildə ekranlara çıxdığı yeddinci hissəsinin rejissoru və ssenaristidir.

Qeyd edək ki, filmin səkkizinci hissəsi bu ilin dekabrında prokata çıxacaq.