Yazda çətin və dəyişkən hava tez-tez immunitetin zəifləməsinə və xəstələnməyə çevrilir. Hansı menyu yaz soyuqluğundan qorunmağa və immuniteti artırmağa kömək edə bilər?

Rusiyalı dietoloq Mariya Makişa mövsümə uyğun meyvə və tərəvəz yeməyin dəyərli olduğunu paylaşıb. Bunun səbəbi məhz onların tərkibində ən çox qida və vitaminlərin olmasıdır ki, bu da güclü immunitet sistemi üçün vacibdir.

Turp

İmmuniteti dəstəkləyir. Xəstə olduqda orqanizmdə iltihabi proseslər güclənir. Onları azaltmaq üçün C vitamini kimi antioksidantlar qəbul etmək lazımdır. Turp suyu da selikli qişanın incəlməsinə kömək edir və öskürək üçün faydalı ola bilər.

Sarımsaq

Xəstəliyə səbəb ola biləcək müxtəlif agentlərlə mübarizədə ideal məhsuldur. Gündəlik sarımsaq istehlakının soyuqdəymə riskini 63% azaltdığı bilinir. Bundan əlavə, 100 qram sarımsaq immunitet sistemimizi gücləndirmək üçün son dərəcə vacib mikroelement olan seleniumun gündəlik tələbatının 26%-ni ehtiva edir.

Zəncəfil və darçın

Zəncəfil və darçın iltihab əleyhinə, antibakterial və ağrıkəsici xüsusiyyətlərə malikdir. Zəncəfil soyuqdəymənin ilk əlamətlərində xüsusilə təsirlidir.

İri yarpaqlı göyərtilər

Yaşıl aruqula, kahı, ispanaq, soğan və digər yaz göyərtiləri gündəlik menyunuza əla əlavə ola bilər. Gicitkən xüsusilə qadınlar üçün faydalı olan rekord miqdarda dəmir ehtiva etdiyi üçün xüsusilə tövsiyə olunur. Cəfəri də öz növbəsində bu göstəricidə sitrus meyvələrini 5-6 dəfə üstələyən C vitamini mənbəyidir.

Mütəxəssis bildirib ki, bu məhsulları yaz pəhrizinizə əlavə etsəniz, vücudunuz sizə “təşəkkür edəcək” və mövsümi soyuqdəymələr sizdən uzaq olacaq.

Nubar Süleymanova, “İki sahil”