Fransa səfirliyinin nümayəndələri tədbirə qatılıb mövzu ilə bağlı fikirlərini açıqlaya bilərdi, amma gəlmədilər.

“İki sahil” xəbər verir ki, bunu Beynəlxalq Münasibətlərin Təhlili Mərkəzi (BMTM) İdarə Heyətinin sədri Fərid Şəfiyev Bakıda keçirilən "Fransa və Ermənistan-Azərbaycan münaqişəsi" mövzusuna həsr olunan beynəlxalq tədbirin sonunda deyib.

Onun sözlərinə görə, Azərbaycan hazırkı böhranı necə dəf edə biləcəyinə, problemləri necə həll edəcəyinə baxmalıdır:

"Biz bugünkü tədbirə Avropa İttifaqına üzv ölkələrin bütün səfirliklərini dəvət etmişdik, amma gəlməyiblər. Hətta Fransa səfirliyinin nümayəndələri də tədbirə qatılıb mövzu ilə bağlı fikirlərini açıqlaya bilərdi".