Cənubi Koreya hökuməti əcnəbi işçilər üçün sənaye təhlükəsizliyini gücləndirmək üçün tədbirlər planı hazırlayır.

“İki sahil” “Yonhap”a istinadla xəbər verir ki, buna səbəb akkumulyator zavodunda 23 nəfərin, o cümlədən 18 əcnəbinin həyatına son qoyan yanğının baş verməsidir.

Əmək naziri Lee Jeong-Sik bildirib ki, hökumət əcnəbi işçilər üçün təhlükəsizlik təlimlərini genişləndirəcək, gücləndirəcək və iş yerində risk faktorlarını azaltmaq üçün dəstəyini artıracaq.

Qeyd edək ki, iyunun 24-də Seuldan 45 kilometr cənubda yerləşən Hvasonq şəhərində litium batareya istehsalçısı “Aricell”in zavodunda yanğın baş verib. Oradakı bir çox işçi sonradan heç vaxt təhlükəsizlik təlimi almadıqlarını bildiriblər.

Məhərrəm Ağalaroğlu, “İki sahil”