Müdafiə Nazirliyi: təlimlərdə qoşunlar gecə vaxtı yerdəyişməni icra ediblər

Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin təsdiq etdiyi plana əsasən müxtəlif qoşun növlərinin, qismlərinin, birlik və birləşmələrin iştirakı ilə genişmiqyaslı təlimlər davam edir.

Müdafiə Nazirliyinin mətbuat xidmətindən bildiriblər ki, keçirilən təlimlərin rəhbərinin qərarına əsasən qoşunlar döyüş təyinatı rayonlarına çıxarılma üzrə gecə vaxtı tapşırıqları yerinə yetirib.

Qüvvələr vaxt, marşrut, tapşırıqlar üzrə gecə və məhdud görüntü şəraitində kombinə üsulu ilə yürüş icra ediblər.