Naftalan şəhər İcra Hakimiyyətinin dəstəyi, Yeni Azərbaycan Partiyası Naftalan şəhər təşkilatının və Gəncə-Daşkəsən Regional Gənclər və İdman İdarəsinin Naftalan şəhəri üzrə gənclər və idman sektorunun birgə təşkilatçılğı ilə keçirilən “Heydər Əliyev İli”nə həsr olunmuş mini-futbol turnirinə yekun vurulub.

“İki sahil” xəbər verir ki, 20 sentyabr 2023-cü il tarixdə start verilən turnirdə Naftalan şəhərində fəaliyyət göstərən 7 idarə, müəssisə və təşkilatın komandası iştirak edib.

“Heydər Əliyev İli”nin qeyd olunması, istedadlı idmançıların aşkar edilməsi, idarə, müəssisə və təşkilatlar arasında yoldaşlıq, dostluq əlaqələrinin gücləndirilməsi məqsədilə keçirilən yarışın bağlanış mərasimində çıxış edən natiqlər Ulu Öndərin Azərbaycan xalqı qarşısında misilsiz xidmətlərindən geniş söz açaraq qalibləri təbrik ediblər.

Qarşılıqlı hörmət və anlaşma şəraitində keçirilən turnirdə YAP Naftalan şəhər təşkilatının komandası 3-cü yeri, Garabag Resort & SPA-nın komandası 2-ci yeri, Gold Naftalan Hotelin komandası isə 1-yeri qazanıb.

Qaliblər təşkilatçılar tərəfindən kubok və diplomlar ilə təltif olunublar.