Azərbaycan Ordusunun Ermənistanın PUA-larının komanda-qərargah məntəqəsini məhv etməsinin yeni görüntüləri yayılıb.

“İki sahil” xəbər verir ki, “Caliber”in əldə etdiyi görüntülərdə Ermənistan Silahlı Qüvvələrinin hücum və kəşfiyyat PUA-larına nəzarət etmək üçün mülki avtomobildən mərkəz kimi istifadə etdiyi görünür. Bu avtomobil mayın 12-də erməni hərbi təxribatının qarşısı alınarkən məhv edilib.

“Nəqliyyat vasitəsinin dağıdılması anına diqqət yetirin - onun yanında mülki geyimli, qara gödəkçəli, nişanlanan avtomobildən sürünərək uzaqlaşan kişidir. Partlayış yerindən çaxnaşma içində qaçan iki uniformalı erməni əsgərindən fərqli olaraq, qara gödəkçəli şəxs peşəkar təmkin və bacarıq nümayiş etdirir - NATO standartlarına uyğun yüksək səviyyəli təlimdən epizod tutmaq olar.

Bizdə olan məlumata görə, o, erməni hərbçilərinə kəşfiyyat və hücum PUA-larına nəzarət etmək üçün təlim keçirən Fransa hərbi təlimatçısıdır” – deyə “Caliber”in yaydığı məlumatda qeyd edilib.