SOCAR və Cənubi Qafqaz Boru Kəməri (CQBK) Şirkətində iştirak payına malik tərəfdaş şirkətlərin maliyyələşdirdiyi kibertəhlükəsizlik və data analitikası üzrə peşəkar kurslar 222 nəfərin iştirakı ilə davam edir.
"İki sahil" SOCAR-a istinadən xəbər verir ki, artıq 195 nəfər birinci modulu bitirərək sertifikat qazanıb.
Qeyd edək ki, kibertəhlükəsizlik qrupundan 7 nəfər vaxtından əvvəl 8 modul üzrə kursu tamamlayıb və Peşəkar Sertifikat əldə edib. Onların da 5 nəfəri SOCAR əməkdaşıdır. Bu Peşəkar Sertifikatı qazananlar dinamik kibertəhlükəsizlik sahəsində çalışan işçi qüvvəsinə qoşulmaq üçün əsas bilik və bacarıqlarını inkişaf etdirib, təkmilləşdirib. SOCAR-ın əməkdaşı İftixar Şamilov da kibertəhlükəsizlik üzrə təlimin bütün modullarını tez bir zamanda uğurla başa vurub. İndi isə Data analitikası təlimlərinə qoşulması üçün proqramda iştirakı təmin olunub.
