Dünya şöhrətli opera və estrada müğənnisi, Xalq artisti Müslüm Maqomayevin heykəli Bakı şəhəri, Dənizkənarı Milli Parkda ucaldılacaq. 

"İki sahil" xəbər verir ki, bu barədə apa-ya Mədəniyyət Nazirliyindən bildirilib.

Qeyd olunub ki, milli mesenat Hacı Zeynalabdin Tağıyevin və Müslüm Maqomayevin heykəllərinin ucaldılması ilə bağlı işlər artıq yekunlaşmaq üzrədir: “Dəqiq vaxt müəyyən edildikdə bu barədə ictimaiyyətə məlumat veriləcək”.

Xatırladaq ki, Prezident İlham Əliyev Müslüm Maqomayevin abidəsinin ucaldılması haqqında sərəncam imzalayıb. Sərəncama əsasən, Bakı şəhərində görkəmli sənətkar Müslüm Maqomayevin abidəsi ucaldılacaq. Heykəlin müəllifi Xalq rəssamı Ömər Eldarovdur.