"İnşallah çox yaxında islahatlar paketi fəlsəfəmizi, hədəflərimizi, məqsəd və fəaliyyət başlıqlarını da əhatə edən əhatəli işimizi ictimaiyyətlə paylaşacağıq”.

“İki sahil” AA-ya istinadən xəbər verir ki, bunu Türkiyə Prezidenti Rəcəb Tayyib Ərdoğan deyib.

Onun sözlərinə görə, Türkiyənin problemlərinin mənbəyi 1960-cı ildən bəri çevriliş hazırlayanlar tərəfindən hazırlanan konstitusiyalardır: “Bunun üçün əvvəllər yeni bir konstitusiya cəhd etmişdik. Təəssüf ki, parlamentdəki yer sayından asılı olmayaraq, bütün partiyalardan bərabər təmsilçilərlə başladılan işlər, CHP-nin prosesi əngəlləməsi və barışmaz münasibəti ilə uğurlu alınmadı. Ölkəmizin bu vacib fürsəti əldən verdiyinə görə üzr istəyirik. Bəlkə də indi Türkiyənin yeni bir konstitusiyanı yenidən müzakirə etmək vaxtı gəlib”.

Ərdoğan deyib ki, konstitusiya işi gizli şəkildə, terror təşkilatı ilə əlaqəli bölmələrin kölgəsi altında, ağlı və qəlbi ölkəsindən ayrılan adlarla həyata keçirilə bilən iş deyil: “Bu iş millətin gözü qarşısında və bütün nümayəndələrinin iştirakı ilə şəffaf şəkildə aparılmalı və nəticədə çıxan mətn millətin ixtiyarına verilməlidir. Cumhur İttifaqındakı ortağımızla bu mövzuda bir anlaşma əldə etsək qarşıdakı dövrdə yeni bir konstitusiya üçün hərəkətə keçə bilərik".