Rusiya və Çin Afrikada rəqabət aparmırlar, bəzi regional aspektlərdə isə Moskva və Pekin öz səylərini əlaqələndirirlər.

“İki sahil” xəbər verir ki, bu barədə Rusiya XİN rəhbərinin müavini, BRİKS-də şerpa Sergey Ryabkov sentyabrın 12-13-də Yeni Dehlidə keçiriləcək birliyin sammiti ərəfəsində TASS Analitik Mərkəzinə müsahibəsində bildirib.

Diplomat diqqətə çatdırıb ki, Rusiya və Çin bütün regional treklər üzrə yanaşmaları müqayisə edirlər. Ryabkov qeyd edib: «Bəzi aspektlərdə koordinasiya mövcuddur. Lakin bizimlə onlar arasında rəqabət yoxdur".

Rusiya XİN rəhbərinin müavini əlavə edib ki, "Rusiya – Afrika" və BRİKS formatlarının Afrika istiqamətində fərqli gündəliyi mövcuddur.

Daha əvvəl TASS-a Rusiya XİN-in Saxaradan cənubdakı Afrika dövlətləri departamentinin direktoru Anatoli Başkin bildirmişdi ki, oktyabrın 28-29-da Moskvada keçiriləcək üçüncü "Rusiya – Afrika" sammitində 30-dan çox Afrika dövləti iştirakını təsdiqləyib.